नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीलाई पितृशोक परेको छ । आज बिहान ओलीका पिता मोहनप्रसाद ओलीको ९७ वर्षको उमेरमा निधन भएको हो ।
भक्तपुरस्थित नेपाल-कोरिया मैत्री नगर अस्पतालमा उपचारका क्रममा ओलीका पिता मोहनप्रसाद ओलीको निधन भएकाे हाे । लामो समयदेखि स्वास्थ्य समस्याका कारण अस्वस्थ रहेका ओलीको स्वास्थ्यमा थप जटिलता देखिएपछि अस्पताल भर्ना गरिएको थियाे ।
स्वर्गीय ओलीको पार्थिव शरीरलाई अन्तिम श्रद्धाञ्जलीका लागि भक्तपुरको गुण्डुस्थित ओली निवासमा लैजाने तयारी भइरहेको र उनको आजै पशुपति आर्यघाटमा राजकीय सम्मानका साथ अन्त्येष्टि गरिने बताइएकाे छ ।
