पछिल्लाे समयमा मध्यपूर्वका देशहरुमा देखिएकाे समस्याका कारण नेपाल सरकारले वैदेशिक रोजगारीका लागि दिँदै आएको श्रम स्वीकृति अनिश्चितकालका लागि स्थगन गरेको छ । सरकारले मध्यपूर्वका १२ वटा देशका लागि दिँदै आएको श्रम स्वीकृति अनिश्चितकालका लागि स्थगन गरेको हाे ।

वैदेशिक रोजगार विभागले एक सूचना जारी गर्री मध्यपूर्व तथा खाडी क्षेत्रमा विकसित सुरक्षा अवस्थालाई मध्यनजर गर्दै श्रम स्वीकृति रोकिएको जानकारी गराएकाे हाे । अर्को निर्णय नभएसम्मका लागि व्यक्तिगत तथा संस्थागत दुवै प्रकारका श्रम स्वीकृति स्थगन गरिएको विभागका प्रवक्ता चन्द्रबहादुर शिवाकोटीले जनाएका छन् ।

विभागकाे सूचनाअनुसार साउदी अरेबिया, युनाइटेड अरब इमिरेट्स, कतार, कुवेत, बहराइन, ओमान, इराक, यमन, जोर्डन, लेबनन, टर्की र इजरायलमा वैदेशिक रोजगारीका लागि दिइने श्रम स्वीकृति हालका लागि स्थगन गरिएकाे बताइएकाे छ । श्रम, रोजगार तथा सामाजिक सुरक्षा मन्त्रालयको मन्त्रिस्तरीय निर्णयले उक्त निर्णय गरिएको विभागले जनाएको छ ।