अहिले मुलुकभर न्यून चापीय प्रणालीको सामान्य प्रभाव रहेकाले माैसममा सामान्य बदली हुनुका साथै केहि भूभागमा चट्याङ्गसहित हल्का वर्षा तथा हिमपातको सम्भावना रहेको छ । मौसम पूर्वानुमान महाशाखाका अनुसार अहिले पहाडी र हिमाली भूभागका केहि स्थानमा वादल लागेकाे भएपनि बाँकी भूभागमा मौसम सफा रहेको छ ।
आज दिउँसो तराई भूभागका केही स्थानहरूमा हुस्सु लाग्ने छ भने कोशी, गण्डकी र कर्णाली प्रदेशको पहाडी र हिमाली भूभाग तथा बाँकी प्रदेशको हिमाली भूभागमा बादल लाग्ने र बाँकी पहाडी भूभागमा आंशिक बादल लाग्नुका साथै तराई भूभागमा मौसम सफा रहनेछ ।
त्यस्तै कोशी, बागमती र गण्डकी प्रदेशको पहाडी र हिमाली भूभागका थोरै स्थान तथा लुम्बिनी, कर्णाली र सुदूरपश्चिम प्रदेशको पहाडी र हिमाली भूभागको एक–दुई स्थानमा चट्याङ्गसहित हल्का वर्षा तथा हिमपातको सम्भावना रहेको विभागले जनाएको छ ।
आज राति तराईका केहि भूभागमा तुवाँलो लाग्ने छ भने गण्डकी प्रदेशको पहाडी र हिमाली भूभाग तथा बाँकी प्रदेशको हिमाली भूभागमा साधरणतया बादल लाग्नुका साथै बाँकी पहाडी भूभागमा आंशिक बादल लाग्ने र तराई भूभागमा मौसम मुख्यतया सफा रहनेछ ।
विभागका अनुसार कोशी, बागमती र गण्डकी प्रदेशको उच्च पहाडी र हिमाली भूभागका एक–दुई स्थानमा हल्का वर्षासहित हिमपातको सम्भावना रहेको बताइएको छ ।
