मुलुकभर अहिले पश्चिमी वायुको आंशिक प्रभाव रहेकाले सुदूरपश्चिम प्रदेशका तराई भूभागका केही स्थानमा कुहिरो लाग्नुका साथै हिमाली भागमा आंशिक बादल लागेको छ । जल तथा मौसम पूर्वानुमान महाशाखाका अनुसार उक्त भूभाग बाहेकका अन्य स्थानकाे माैसम मुख्यतया सफा रहेको छ ।
अहिले कोशी, मधेस, बागमती, गण्डकी र लुम्बिनी प्रदेशका साथै कर्णाली र सुदूरपश्चिम प्रदेशका हिमाली भागमा आंशिक बादल लागेको छ भने बाँकी भागमा मौसम मुख्यतया सफा रहेको छ । आज दिउँसो तराई भागका केही स्थानमा कुहिरो लाग्ने छ भने कर्णाली र सुदूरपश्चिम प्रदेशका पहाडी तथा हिमाली भागमा साधारणतया बादल लाग्नेछ ।
त्यसैगरि कोशी प्रदेशलगायत बाँकी हिमाली भागमा आंशिक बादल लाग्नेछ भने अन्य भागमा मौसम सफा रहने महाशाखाले जनाएकाे छ । त्यस्तै कर्णाली र सुदूरपश्चिम प्रदेशका उच्च पहाडी तथा हिमाली भागका एकदुई स्थानमा हल्का हिमपात र वर्षाको सम्भावना रहेकाे बताइएकाे छ ।
आज राति तराई भागका केही स्थानमा हुस्सु लाग्ने र गण्डकी, कर्णाली र सुदूरपश्चिम प्रदेशका पहाडी तथा हिमाली भागमा साधारणतया बादल लाग्ने छ । अन्य भागमा मौसम सफा रहनुका साथै गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भागका एकदुई स्थानमा हल्का हिमपात र वर्षाको सम्भावना रहेकाे छ ।
