उच्च माध्यमिक तहका विद्यार्थीहरूको नेतृत्वमा निर्माण गरिएको ‘मुनाल’ नामक उपग्रह प्रक्षेपण गरिदैछ । नेपाल विज्ञान तथा प्रविधि प्रज्ञा–प्रतिष्ठानले नेपालमै विकसित गरेकाे उक्त उपग्रह प्रक्षेपणको तयारी पूरा गरेको हाे ।

विद्यार्थीहरूले निर्माण गरेको उपग्रहलाई नेपालको अन्तरिक्ष प्रविधि विकास यात्रामा ऐतिहासिक उपलब्धिका रूपमा लिइएको छ । नेपालको पहिलो स्पेस सिस्टम प्रयोगशालामा दुई वर्ष लगाएर तयार गरिएको मुनाल उपग्रह वनस्पति अनुगमन, स्वदेशी प्रविधि परीक्षण तथा कृत्रिम बौद्धिकतामा आधारित ‘डाटा’ प्रशोधनका लागि प्रयोग गरिने बताइएकाे छ ।

उपग्रहको सञ्चालन ललितपुरको खुमलटारस्थित ग्राउन्ड स्टेसनबाट गरिने नेपाल विज्ञान तथा प्रविधि प्रज्ञा–प्रतिष्ठानका सचिव डा रवीन्द्रप्रसाद ढकालले जनाएका छन् । उनले मुनाल उपग्रह ‘आइएसआरओ’को ‘एसएलभी–सिक्स टू’ पनि ‘रकेट’मार्फत ‘राइडसेयर पेलोड’ का रूपमा आज बिहान १० : १७ बजे (भारतीय समय) अर्थात् नेपाल समयअनुसार १० : ३२ बजे प्रक्षेपण हुने जानकारी गराउँदै यो प्रक्षेपण भारतको श्रीहरिकोटास्थित सतीश धवन अन्तरिक्ष केन्द्रबाट गरिने बताइएकाे छ ।