वैदेशिक रोजगार विभागका अनुसार सन् २०२५ मा १५ लाख बढी नेपाली विदेशिएका छन् । विभागका अनुसार सन् २०२५ को जनवरी १ देखि डिसेम्बर ३१ सम्म १५ लाख २३ हजार नेपाली विदेशिएका हुन् ।
सन् २०२५ काे एक वर्षकाे अवधिमा १३ लाख १३ हजार १ सय ९१ जना नेपाली विभिन्न देशबाट नेपाल आएका छन् । विभागका प्रवक्ता एवं निर्देशक टीकाराम ढकालका अनुसार सोही अवधिमा १० लाख १५ हजार ३ सय ७८ विदेशी पर्यटक नेपाल प्रवेश गरेको बताएका छन् ।
त्यसैगरि एक वर्षमा ९ लाख ८२ हजार ५ सय ६१ जना विदेशी नेपालबाट फर्केकाे विभागले जनाएकाे छ । विदेशी नागरिकहरू अधिकांश नेपाल घुम्ने प्रयोजनका लागि नेपाल आउने गरेकाे पाइएकाे छ । नेपालको अध्यागमनले विदेशी नागरिकहरूलाई पर्यटक भिसा, श्रम भिसा, अध्ययन भिसालगायतका विभिन्न १० प्रकारका भिसा उपलब्ध गराउँदै आएको छ ।
यता नेपालीहरू विदेशमा अध्ययन, श्रम, पर्यटन तथा व्यवसायका लागि पनि विदेश जाने गरेकाे विभागले जनाएकाे झ ।
