झापामा जंगली हात्तीको आक्रमणबाट एक युवक घाइते भएका छन् । मेचीनगर नगरपालिका-१३, हातेमालो सामुदायिक वनमा हिजाे साँझ हात्तीले आक्रमण गर्दा स्थानीय २६ वर्षीय आकाश दाहाल घाइते भएका हुन् ।

हिजाे सँझ करिब ६ बजे दाउरा लिन वनमा गएका बेला उनलाई जंगली हात्तीले आक्रमण गरेको जिल्ला प्रहरी कार्यालयले जनाएकाे छ ।

 हात्तीको आक्रमणबाट उनको दाहिने खुट्टामा चोट लागेको र अहिले घाइतेको बिर्तामोडस्थित बी एण्ड सी अस्पतालमा उपचार भइरहेको जनाइएकाे छ ।