चालु आर्थिक वर्षको तीन महिनामा भैरहवा भन्सार कार्यालयले २७ अर्ब ७५ करोड बढि राजस्व सङ्कलन गरेकाे छ । भन्सार कार्यालयले चालु आर्थिक वर्षको प्रथम तीन महिनामा २७ अर्ब ७५ करोड ५३ लाख ७८ हजार राजस्व सङ्कलन गरेको हाे ।

कार्यालयले गत साउनमा ९ अर्ब २ करोड ९४ लाख ३४ हजार, भदौमा ९ अर्ब ७० करोड ६३ लाख ९ हजार र असोजमा ९ अर्ब २८ करोड ६७ लाख २० हजार सङ्कलन गरेकाे भन्सार अधिकृत सन्तोषकुमार न्यौपानेले जनाएका छन् ।  

गत भदाै २३ र २४ गते भएकाे जेनजी आन्दोलनका क्रममा आगजनी र तोडफोडबाट क्षतिग्रस्त भएकाे भन्सार कार्यालयले केही समय त्रिपालबाट सेवा प्रवाह गरेको थियो ।