आज आईसीसी टी–२० विश्वकप एसिया तथा इस्ट एसिया प्यासिफिक छनोट खेलमा नेपालले जापानसँग प्रतिस्पर्धा गर्दैछ । यसअघिकाे खेलमा कुवेतलाइ ५८ रनले पराजित गरेकाे नेपालले दाेश्राे खाेल जापानसँग खेल्न लागेकाे हाे ।
यसअघि एक-एक खेल जितिसकेकाे नेपाल र जापान एक खेलअगावै सुपर सिक्समा प्रवेश गरि सकेका छन् । हिँजाे सम्पन्न समूह बीको खेलमा जापानले कुवेतलाई ५ बिकेटले हराए पछि जापान र नेपाल एक खेल अगावै अघिल्लो चरणमा प्रवेश गरेका हुन् ।
यता पहिलाे खेल नेपालसँग हारेकाे कुवेतले दोस्रो खेलमा जापनसँग हार बेहाेरे पछि प्रतियोगिताबाट बाहिरिएको छ । आज हुने नेपाल र जापानबीचको खेल पछि समूह बीको विजेता र उपविजेताको टुङ्गो लाग्ने छ ।
समूह बीमा दुवै टोलीको समान २–२ अंक रहे पनि नेपाल नेट रन रेटमा अघि भएकाले शीर्ष स्थानमा रहेकाे छ ।
