मुलुकभर उच्च शिक्षाका लागि विभिन्न विश्वविद्यालय तथा शैक्षिक संस्थाहरू सञ्चालनमा भएपनि विदेशमा उच्च शिक्षा अध्यनका लागि १ खर्ब ३८ अर्ब भन्दा बढी रकम बाहिरिएकाे छ । एक वर्षकाे अवधिमा विदेशमा अध्यन गर्न जानेहरूबाट १ खर्ब ३८ अर्ब ४८ करोड रुपैयाँ विदेशिएको हाे ।
नेपाल राष्ट्र बैङ्कले सार्वजनिक गरेको गत आर्थिक वर्ष २०८१/८२ को तथ्याङ्कअनुसार शिक्षाका लागि मात्रै एक वर्षमा १ खर्ब ३८ अर्ब ४८ करोड रुपैयाँ विदेशिएको बताइएकाे छ । अघिल्लो आर्थिक वर्ष शैक्षिक गतिविधिका लागि १ खर्ब २५ अर्ब १३ करोड रुपैयाँ रकम विदेशिएको थियो ।
त्यसैगरि सेवा खाताअन्तर्गत भ्रमण व्यय १८.१ प्रतिशतले वृद्धि भई २ खर्ब २३ अर्ब ७२ करोड रुपैयाँ पुगेको छ भने अघिल्लो वर्ष भ्रमण व्यय १ खर्ब ८९ अर्ब ४३ करोड रुपैयाँ रहेको थियो ।आव २०८१/८२ मा खुद सेवा आय ९० अर्ब ९४ करोड रुपैयाँले घाटामा रहेको केन्द्रीय बैङ्कले जनाएकाे छ । अघिल्लो वर्ष खुद सेवा आय ५५ अर्ब ८६ करोड रुपैयाँले घाटामा थियो ।
सेवा खाताअन्तर्गत समिक्षा वर्षमा भ्रमण आयत ७.७ प्रतिशतलृ वृद्धि भई ८८ अर्ब ६६ रुपैयाँ करोड पुगेको छ भने अघिल्लो वर्ष यस्तो आय ८२ अर्ब ३३ करोड रुपैयाँ रहेकाे थियो ।
