अहिले बङ्गालको खाडीबाट जलवाष्पयुक्त हावा भित्रिने क्रम रहेता पनि मनसुनको न्यूनचापीय रेखा सरदर स्थानको दक्षिणतर्फ अवस्थित रहँदा नेपालमा मनसुन केही कमजोर बनेको छ । जल तथा मौसम पूर्वानुमान महाशाखाका अनुसार बङ्गालको खाडीबाट जलवाष्पयुक्त हावा भित्रिने क्रम रहेता पनि मनसुन कमजोर बनेको हाे ।
हाल देशभरकाे माैसम साधारणतया बदली हुनुका साथै कोशी, बागमती, गण्डकी र लुम्बिनी प्रदेशका केही स्थानमा मध्यम वर्षा भइरहेको छ । त्यस्तै कर्णाली प्रदेशका पहाडी भूभागका एक दुई स्थानमा हल्का वर्षा भइरहेको पनि महाशाखाले जनाएकाे छ ।
बागमती, गण्डकी र लुम्बिनी प्रदेशको तराई र पहाडी भूभाग लगायत देशको बाँकी पहाडी भूभागका थोरै तथा बाँकी तराई भूभागका एकदुई स्थानमा मध्यम वर्षाको सम्भावना रहेकाे पनि महाशाखाकाे भनाइ रहेकाे छ ।
त्यस्तै लुम्बिनी प्रदेशको तराई, कोशी प्रदेश र बाग्मती प्रदेशको पहाडी भागको एक दुई स्थानमा भारी वर्षाको सम्भावना रहेकाे बताइएकाे छ ।
