लगातारको अविरल वर्षाको कारण महाकाली नदीमा पानीको प्रवाह बढेसंगै ब्यारेजको पुलमा ठूला सवारी साधन सञ्चालनमा रोक लगाइएको छ । सुदूरपश्चिममा गएरातिदेखिको अविरल वर्षाका कारण महाकाली नदीमा पानीको प्रवाह बढेको हो ।  

महाकाली नदीमा पानीको प्रवाह बढेपछि शारदा ब्यारेजको पुलमा ठूला सवारी साधन सञ्चालनमा रोक लगाइएको जिल्ला प्रहरी कार्यालय कञ्चनपुरले जनाएको छ । आज बिहान ११ बजेसम्म्ममा पानीको प्रवाह १ लाख २६ हजार ७ सय १२ क्यूसेक मापन गरिएको थियो ।

जिल्ला प्रहरी कार्यालायाका प्रवक्ता सागर बोहराका अनुसार अझै वर्षा भइरहेकाले पानीको प्रवाह बढ्न सक्ने बताइएको छ । अहिले नेपाल भारत सीमामा रहेको बनबासा पुलमा चार पाङ्ग्रे सवारी साधन आवतजावतमा रोक लगाइएको छ भने दुई पाङ्ग्रे सवारी साधन र मानिस आवतजावत चालु रहेको छ ।