कर्णाली स्वास्थ्य विज्ञान प्रतिष्ठानमा भिडियो एक्सरे सेवा बन्द भएको छ । जुम्लास्थित प्रतिष्ठानमा अस्पतालको भिडियो एक्सरे, अल्ट्रासाउण्डलगायत सेवा एक महिनादेखि बन्द हुँदा उपचारका लागि प्रतिष्ठानमा आएका सेवाग्राहीलाई सास्ती भएको छ ।
अस्पतालमा भिडियो एक्सरे मेसिन उपलब्ध भए पनि त्यसलाई चलाउने जनशक्ति अभावका कारण सेवा बन्द रहेको कर्णाली स्वास्थ्य विज्ञान प्रतिष्ठानका निमित्त उपकुलपति सहप्राध्यापक डा डबलबहादुर धामीले बताएका छन् । अहिले अस्पतालमा आएका बिरामी भिडियो एक्सरे सेवा प्रवाहबाट वञ्चित भएका हुन् ।
अस्पतालमा जनशक्ति अभावका कारण भिडियो एक्सरे सेवा प्रवाह गर्न नसकेपछि त्यसका लागि प्रतिष्ठानले रेडियोलोजिस्ट माग गरे पनि कोही सम्पर्कमा नआउँदा उक्त समस्या भएको हाे । हालएक सातादेखि बन्द भएको सिटिस्क्यान सेवा भने सञ्चालनमा ल्याएको बताइएकाे छ ।
