तनहुँमा एकैदिन तीन किशोरी बेपत्ता भएका छन् । बेपत्ता हुनेहरू तीनै जना तनहुँको भानु नगरपालिका–२, भकुन्थोक निवासी हुन् ।
बेपत्ता हुनेमा १५ वर्षीया अस्मिता तामाङ, १६ वर्षीया सम्झना सुनार र १५ वर्षीया सीता सुनार रहेकाे प्रहरीले जनाएकाे छ । उनीहरू सोमबार बिहान विद्यालय जान घरबाट निस्किएकाे भएपनि विद्यालय नगई बेपत्ता भएका हुन् ।
उनिहरू परिवारको सम्पर्कमा नआएपछि परिवारले इलाका प्रहरी कार्यालय भानुमा खोजीका लागि निवेदन दिएका छन् भने उनीहरूको खोजीकार्य भइरहेको जिल्ला प्रहरी कार्यालय तनहुँका प्रहरी निरीक्षक राजु अधिकारीले जनाएका छन् ।
प्रहरीका अनुसार उनीहरूको मोबाइलको अन्तिम लोकेसन पोखरा देखिएको बताइएकाे छ ।
