रूपन्देहीमा एउटा स्कुल बसमा अचानक आगलागी भएको छ । शुद्धोधन गाउँपालिका-४, फर्साटिकरस्थित लिटिल फ्लावर हायर सेकेण्डरी स्कुलको बसमा आगलागी भएको हाे ।
विद्यालय नजिकै पुगिसकेको बसमा बिहान अचानक धुँवा निस्किन थालेपछि आगलागी भएको बताइएकाे छ । बिहानको समयमा विद्यार्थी बोकेर स्कुलतर्फ गइरहेको लु १ क १३२६ नम्बरको बसमा आगालागि हुँदा बस जलेर पूर्ण रूपमा नष्ट भएको छ ।
विद्यालयको गेटमै पुग्न लाग्दा बसबाट धुँवा निस्केर आगालागि भएकाे र तत्काल स्थानीयले विद्यार्थीको उद्धार गरेकाे र त्यसपछि प्रहरी, दमकल टोलीसमेत आएर आगो नियन्त्रणमा लिएकाे बताइएकाे छ । उक्त दुर्घटनाबाट विद्यार्थी तथा चालक सकुशल उद्दार गरिए पनि बस जलेर पूर्ण रूपमा नष्ट भएकाे जिल्ला प्रहरी कार्यालय रूपन्देहीले जनाएको छ ।
उक्त दुर्घटना पछि प्रहरीले आगोलागीको कारणबारे विस्तृत अनुसन्धान थालेकाे छ ।
