काठमाडौं महानगरपालिकामा केहि समयदेखि खालि रहेको प्रमुख प्रशासकीय अधिकृतमा सरोज गुरागाईंले शुक्रबारदेखि काम गर्ने भएका छन् । महानगरपालिकाको आज बसेको बैठकले गुरागाईंले शुक्रबारदेखि काम गर्ने निर्णय गरेको हो ।
काठमाडौं महानगरपालिकाका प्रवक्ता नवीन मानन्धरका अनुसार प्रमुख प्रशासकीय अधिकृतमा गुरागाईंले शुक्रबारदेखि काम थाल्ने बताइएको छ । आज अवरोधबीच कार्यालय फोडेर वडाध्यक्ष र कर्मचारीहरूले गुरागाईंलाई प्रवेश गराएका थिए ।
कर्मचारीहरूले गुरागाईंलाई प्रवेश गराएपछि महानगर प्रमुख बालेन साह बिना नै बैठक बसेको थियो । प्रवक्ता मानन्धरका अनुसार आजको बैठकले भोलिदेखि कर्मचारीहरूलाई सेवा दिने निर्णय गरेको र सेवाग्राहीहरूले भोलिदेखि सेवा पाउने बताइएको छ ।
