नेपाल रेडक्रस सोसाइटीका अध्यक्ष सुदर्शन प्रसाद नेपालसहित पाँच जनालाई निलम्बित गरिएको छ । सोसाइटीका अध्यक्ष नेपाल, उपाध्यक्ष विशाल भण्डारी,महासचिव भूपतिलाल श्रेष्ठ,  मनोजकुमार थापा, विनोदकुमार बस्नेत र नारायण तिमिल्सिनालाई निलम्बन गरिएको हो ।

रेडक्रसको अन्तर्राष्ट्रिय संस्था आइएफआरसीले अध्यक्षसहित पाँच जनालाई निलम्बन गरेको हो । आइएफआरसीले अध्यक्ष नेपाल र उपाध्यक्ष भण्डारीलाई पत्राचार गर्दै निलम्बन गरेको जानकारी गराएको छ ।

उनीहरूले संस्थाको आधारभूत मान्यतालाई कुल्चिएर सामान्य सिद्धान्तको समेत परिपालन नगरी राजनीतिक आडमा आर्थिक लाभ लिएको, प्रशासनिक अराजकता निम्त्याएको कारण निलम्बन गरिएको पत्रमा उल्लेख गरिएको छ । आइएफआरसीको अनुपालन र मध्यस्थता समितिकी क्रिस्टिना कुम्पुलाले पत्र काट्दै उनीहरुलाई निलम्बन गरिएको जानकारी दिएकी हुन् ।