कार्यालय समयमा मदिरा सेवन गरि अभद्र व्यवहार गरेको आरोपमा बारबर्दिया नगरपालिकाका प्रमुख प्रशासकीय अधिकृत दीपक आचार्य पक्राउ परेका छन् । उनलाई हिँजो बेलुकी पक्राउ गरिएको हो ।
पक्राउ परेका प्रमुख प्रशासकीय अधिकृत आचार्य लाई बारबर्दिया नगरपालिकाबाट जिल्ला प्रहरी कार्यालय ल्याइएको प्रहरीले जनाएको छ । उनले मदिरा सेवन गरि नगर प्रमुख छविलाल थारु र नगर उप प्रमुख रत्नकुमारी पाण्डेलाई अभद्र व्यवहार गरेको बताइएको छ ।
प्रहरीले बुधवार कार्यालय समय नभएका कारण मुद्दा दर्ता नगरिएको र प्रमुख प्रशासकीय अधिकृत आचार्यलाई पक्राउ गरिएको जनाएको छ भने यता आचार्यले भने पावर टेलर खरिदमा नगर प्रमुखले कमिसन नपाएको झोकमा प्रहरी बोलाएको आरोप लगाउँदै सामाजिक सञ्जालमा लेखेका छन् ।
