आज विश्वभर मनाइने विश्व ‘अटिजम’ जागरुकता दिवस नेपालमा पनि विविध कार्यक्रमकाे अायाेजना गरि मनाइँदै छ । सन् २००७ देखि संयुक्त राष्ट्रसङ्घको आह्वानमा मनाउन सुरू गरिएकाे याे दिवस नेपालमा विविध कार्यक्रमका साथ मनाउने गरिएकाे छ ।
आज विश्वभर ‘अटिजम’ रोगप्रति सचेतना फैलाउने विविधि कार्यक्रमका साथ याे दिवस मनाइँदै छ । अटिजम भएका व्यक्तिको मानवअधिकार, मौलिक स्वतन्त्रताको उपभोग सुनिश्चित गर्न समाजका सबै वर्गले सघाउनुपर्ने मान्यताका साथ याे दिवस मनाउन सुरू गरिएको हो ।
राष्ट्रसङ्घका महासचिव एन्टिनियो गुटेरेसका अनुसार दिगो विकासका लक्ष्य हासिल गर्न तथा स्वास्थ्यसम्बन्धी प्रतिबद्धता पूरा गर्न यो दिवस उपयोगी हुने बताइएको छ । यो दिवसका अवसरमा जारी गरेको उनकाे मन्तव्यमा अटिजम भएकाहरूलाई स्वास्थ्य, शिक्षा, रोजगारीका अवसर दिनुपर्नेमा जोड दिइएको छ ।
