नेपाल आयल निगमले डिजेल तथा मट्टितेलको मूल्य घटाएको छ । निगमको सञ्चालक समितिको बैठकले डिजेल र मट्टितेलको मूल्य घटाए पनि पेट्रोलको मूल्य यथावत राखेको छ ।
निगमले डिजेल तथा मट्टितेलको मूल्य प्रतिलिटर २ रुपैयाँ घटाउने निर्णय गरेको हो । घटेको मूल्य अनुसार अब काठमाडौँमा डिजेलको मूल्य प्रतिलिटर १ सय ४९ रुपैयाँ कायम गरिएको छ ।
पेट्रोलको मूल्य भारतबाट प्रतिलिटर ४५ पैसा बढेर आएको भएपनि पेट्रोलको मूल्यमा कुनै घटबढ गरिएको छैन । गएराती १२ बजेदेखि लागु हुनेगरी पेट्रोलको मूल्यमा कुनै घटबढ नभएपनि डिजेल तथा मट्टितेलको मूल्य घटाइएको निगमले जनाएको छ ।
