काठमाडौंका विभिन्न स्थानमा कफ्र्यू लगाइएको छ । जिल्ला प्रशासन कार्यालयले सूचना जारी निकालेर बानेश्वर–तीनकुने क्षेत्रमा आज राति १० बजेसम्मका लागि कर्फ्यु लगाइएको जानकारी गराएको हो ।
प्रमुख जिल्ला अधिकारी ऋषिराम तिवारीले गौशालादेखि कोटेश्वर, कोटेश्वरदेखि जडीबुटी पुल, कोटेश्वरबाट बालकुमारी पुल, बानेश्वर चोकदेखि शंखमुल पुल र गौशाला चाकेदेखि नयाँ बानेश्वर चोकसम्म कर्फ्यु जारी आदेश गरेका हुन् ।
सूचनामा भनिएको छ, ‘मिति २०८१–१२–१५ गते अपरान्ह ४ः२५ बजेदेखि मिति २०८१–१२–१५ गते रातिको १० बजेसम्म स्थानीय प्रशासन ऐन, २०२८ को दफा क बमोजिम काठमाडौं जिल्लाको काठमाडौं महानगरपालिकाभित्र देहायका चार किल्ला तोकी सो सीमानाभित्र कसैले आवतजावत गर्न, कुनै प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यु आदेश जारी गरिएको छ ।’
