Advertisement Banner
Advertisement Banner

२० बिहिबार, चैत्र २०८१23rd July 2024, 10:09:55 am

विद्यार्थीलाई समस्या भए महानगरको सवारी साधन उपलब्ध

१४ शुक्रबार , चैत्र २०८१६ दिन अगाडि

विद्यार्थीलाई समस्या भए महानगरको सवारी साधन उपलब्ध

आज काठमाडौंमा एसईई परीक्षा दिएका विद्यार्थीहरुलाई घर फर्किन समस्या भए काठमाडौं महानगरपालिकाले सवारी साधन उपलब्ध गराइदिने भएको छ । आज राजावादी  र गणतन्त्र पक्षधरको प्रदर्शनले विद्यार्थीहरुलाई घर फर्किन समस्या भएमा महानगरपालिकाले सवारी साधन उपलब्ध गराउन लागेको हो ।  

महानगरपालिकाले एसईई परीक्षा दिएका विद्यार्थीहरुलाई घर फर्किन समस्या भएमा गन्तव्यसम्म पुग्न सवारी साधन उपलब्ध गराइदिने भएको हो । महानगरले घर फर्किन समस्या भएमा महानगर प्रहरी बललाई सम्पर्क गर्न भन्दै घरसम्म पुर्याइदिने जानकारी दिएको बताइएको छ ।

परीक्षामा खटिने केन्द्राध्यक्ष र शिक्षकहरुलाई विद्यार्थीहरुलाई घर पठाउन सहजीकरण गरिदिन र आवश्यक परे आफैँ पनि सुविधा लिन समेत महानगरले अनुरोध गरेको छ । आज दुई ठुला प्रदर्शनका कारण बिहानदेखि ट्राफिक व्यवस्था अस्तव्यस्त भएपछि महानगरले यस्तो कदम चालेको हो ।  

महानगर प्रहरी बलका निम्न नम्बरमा सम्पर्क गर्न सकिने छ :

बानेश्वरतर्फका लागि नगर प्रहरी उपरीक्षक दिनेशकुमार अर्याल, फोन नं ९८५१०६८०९६

रत्नपार्कतर्फका लागि नगर प्रहरी उपरीक्षक मनोजप्रसाद लामिछाने, ९८५१०९३१७६

नयाँ बसपार्कतर्फका लागि, नगर प्रहरी उपरीक्षक पूर्णचन्द्र भट्ट, ९८५१२३३६३३

टेकुतर्फका लागि, नगर प्रहरी निरीक्षक, प्रकाश पण्डित, ९८५१०५६३४६

महानगर प्रहरी बलको हटलाइन नम्बर ०१५९०१७६४ र ९८५१३५६५०९