यातायात व्यवस्था कार्यालय, भक्तपुरले भोलि सेवा प्रवाह नगर्ने भएको छ । कार्यालयले सूचना जारी गर्दै विशेष कारणले सेवा स्थगन गर्नुपरेको जानकारी गराएको हो । यसअघि भोलि हुने भनिएको सवारी चालक अनुमतिपत्रको प्रयोगात्मक (ट्रायल) परीक्षा चैत १७ र १८ गते सञ्चालन हुने कार्यालयको भनाइ छ ।
सूचनामा उल्लेख छ, ‘यस कार्यालयबाट जारी हुने सवारी चालक अनुममतिपत्रको लागि मिति २०८१ चैत १५ गते शुक्रबार सञ्चालन हुने भनिएको वर्ग ए, के, बी, १, २, ४ र १३ को प्रयोगात्मक परीक्षा विशेष कारणले सञ्चालन हुन नसक्ने भएको हुँदा उक्त दिनलाई तोकिएको प्रयोगात्मक परीक्षा चैत १७ र १८ गते सञ्चालन हुने जानकारी गराइन्छ ।’
भोलि राजावादी र गणतन्त्रवादी दुवैको छुट्टाछुट्टै शक्ति प्रदर्शन भएकाले सम्भावित जोखिमलाई ध्यानमा राख्दै कार्यालयले ट्रायल रोकेको बुझिएको छ ।
