बुढीगण्डकीमा पौडी खेल्ने क्रममा डुबेर एक किशोरको मृत्यु भएको छ । पौडी खेल्ने क्रममा गोरखा आरुघाट गाउँपालिका- १, का १६ वर्षीय युनिश गुरुङको नदीमा डुबेर मृत्यु भएको हो ।
युनिश एसईई दिएर दिउँसाे बुढीगण्डकी नदीमा पौडी खेल्ने गएका थिए । आरुघाट गाउँपालिका- ४, थुमीमा एसईई दिएर हिँजाे दिउँसाे बुढीगण्डकी नदीमा पौडी खेल्न गएका उनकाे नदिमा डुबेर मृत्यु भएकाे जिल्ला प्रहरी कार्यालय गोरखाका प्रहरी नायब उपरीक्षक इन्द्रप्रसाद सुवेदीले जनाएका छन् ।
नदीमा डुबेर बेपत्ता भएकाे उनकाे खोजीका क्रममा साँझ स्थानीय र प्रहरीको संयुक्त टोलीले डुबेको स्थानदेखि एक किलोमिटर तल मृत अवस्थामा फेला पारेको थियाे । उनको शवलाई पोष्टमार्टमका लागि राति नै जिल्ला अस्पताल गोरखामा लगिएको प्रहरीले जनाएको छ ।
