नेपाल नागरिक उड्डयन प्राधिकरणका कर्मचारी आन्दोलित भएका छन् । सिनामंगलस्थित प्राधिकरणको कार्यालयमा बिहानैदेखि कर्मचारीहरुले धर्ना दिएका छन् ।
उड्डयन प्राधिकरणलाई सेवाप्रदायक र नियामक निकाय छुट्टै बनाउन सरकारले संसदमा पेश गरेको दुई विधेयकप्रति आपत्ति जनाउँदै उनीहरु आन्दोलनमा उत्रिएका हुन् ।
प्राधिकरणका आधिकारिक ट्रेड युनियनका अध्यक्ष सुभाष कोइरालाको नेतृत्वमा तीन दर्जनले धर्ना दिएका छन् । उनीहरुले ‘नेपाल नागरिक उड्डयन प्राधिकरण विधेयक, २०८१’ र ‘नेपाल हवाई सेवा प्राधिकरण विधेयक, २०८१’ तुरुन्त फिर्ता लिनुपर्ने माग राखेका छन् ।
कर्मचारीहरुले ‘हवाई माफियाहरु होसियार’, ‘हवाई क्षेत्रमाथि हुन लागेको निजीकरण बन्द गर’ भन्दै नारासमेत लगाएका छन् ।
