लुम्बिनी विकास बैंक लिमिटेडले विभिन्न शाखामार्फत आयोजना गरेको वित्तीय साक्षरता कार्यक्रम सम्पन्न भएको छ । ग्लोबल मनी विकको तेह्रौँ संस्करणको उक्त कार्यक्रम चैत्र ४ देखि १० गतेसम्म विधार्थीहरूलाई वित्तीय चेतना प्रदान गर्ने उद्देश्यले वित्तीय साक्षरता कार्यक्रम आयोजना गरिएको हो ।

बैंकले ग्लोबल मनी विकको अवसरमा आफ्ना विभिन्न शाखामार्फत वित्तीय साक्षरता कार्यक्रम आयोजना गरेको हो । सन् २०१२ देखि अर्गनाइजेसन अफ इकोनोमिक कोअपरेसन एण्ड डेभलपमेण्ट(ओईसीडीसी) को संयोजनमा यो कार्यक्रम मनाउन शुरु गरिएको थियो ।

साताव्यापी कार्यक्रम मार्फत करिब १ हजार युवा विद्याार्थीलाई बैंकिङका विभिन्न पक्षबारे जानकारी प्रदान गरेको बताइएको छ । त्यस्तै नेपाल राष्ट्र बैंकका प्रादेशिक कार्यालय तथा स्थानीयस्तरमा बैंक तथा वित्तीय संस्थाको संयुक्त आयोजनामा वित्तीय सचेतनामूलक प्रभातफेरी कार्यक्रम समेत गरिएको छ ।

त्यसैगरी लुम्बिनी विकास बैंक लिमिटेडले ‘निरन्तर सहयात्रा’ नाराका साथ उच्चस्तरीय, आधुनिक एवं नवीनतम प्रविधिसहितको सुरक्षित बैंकिङ सेवा प्रदान गर्दै आइरहेको समेत कार्यक्रम मार्फत जानकारी गराएको थियो ।