चितवनमा आयोजित राष्ट्रिय डेरी एक्स्पो २०८१ को कृषिमन्त्री रामनाथ अधिकारीले उदघाटन गरेको कार्यक्रममा प्रभु बैंकको किसान वर्ग लक्षित कर्जा प्रवाह गर्ने समझदारी पत्रमा हस्ताक्षर भएको छ । चितवन जिल्ला दुग्ध उत्पादक सहकारी संघ र प्रभु बैंक लिमिटेडले किसान वर्गलाई लक्षित गरी ऋण कर्जा प्रवाह गर्ने समझदारी पत्रमा हस्ताक्षर गरेको हो ।

उक्त डेरी एक्स्पो कार्यक्रममा चितवन जिल्ला दुग्ध उत्पादक सहकारी संस्था लिमिटेडको तर्फबाट संस्थाका अध्यक्ष श्री किशोर बगाले र प्रभु बैंक लिमिटेडको तर्फबाट प्रदेश प्रमुख श्री सांग्रीला श्रेष्ठले समझदारी पत्रमा हस्ताक्षर गरेका छन् ।

ग्राहकहरुको रोजाइको अग्रणी बैंकको रुपमा रहेको तथा हालसालै बैंक अफ द इयर २०२३ को उपाधिबाट सम्मानित प्रभु बैंकले नेपालभर ३ सय ११ शाखा कार्यालयहरु, २ सय ८४ एटीएम साथै ६९ एक्सटेन्सन काउन्टरमार्फत सेवा दिँदै आइरहेको छ ।