आइसीसी यू-१९ महिला विश्वकप क्रिकेटमा आज नेपालले स्कटल्याण्डसँग खेल्दै छ । मलेसियामा जारी आइसीसी यू-१९ महिला विश्वकप क्रिकेटमा नेपालले स्कटल्याण्डसँग दोश्रो खेल खेल्न लागेको हो ।
आजको खेलमा नेपालले स्कटल्याण्डविरुद्ध पहिला ब्याटिङ गर्ने निर्णय गरेको छ । मलेसियाको बांगीमा संचालन भएको खेलमा स्कटल्याण्डविरुद्ध नेपालकी कप्तान पूजा महतोले टस जितेर पहिला ब्याटिङ गर्ने निर्णय लिएकी हुन् ।
यसअघि पहिलो खेलमा नेपाल बंगलादेशसंग ५ विकेटले पराजित भएको थियो । पहिलो खेलमा पराजित भएको नेपाल दोस्रो खेलमा जित निकाल्न चाहन्छ । विश्वकपमा नेपाल समूह ‘डी’ मा परेको छ भने उक्त समूहमा बङ्गलादेशसँगै अस्ट्रेलिया र स्कटल्यान्ड रहेका छन् ।
