भारतम आयोजित खोखो विश्वकपमा पुरुष तथा महिला तर्फको दुवै खेलमा नेपाल उपविजेताम सिमित भएकाे छ । खोखो विश्वकपमा नेपाली पुरुष तथा महिला दुवै टिम आयोजक भारतसँगकाे खेलमा पराजित भएर उपविजेताम सिमित बनेकाे हाे ।
नेपालविरुद्धको फाइनलमा भारतीय पुरुष टिमले ५४-३६ ले पराजित गर्दै भारतले उपाधि जितेको थियाे । त्यस्तै पहिलो पटक आयोजना गरिएको खो खो विश्वकप प्रतियोगितामा नेपालको महिला टोली उपविजेता बनेको थियाे ।
पुरुष तथा महिला तर्फको दुवै खेलमा भारत अपराजित रहँदै च्याम्पियन बनेकाे थियाे । यसअघि पुरुषतर्फ नेपाल समूह ‘ए’ को उपविजेता बन्दै क्वाटरफाइनल पुगेको थियो । पहिलो खेलमा भारतसँग ४२-३७ अन्तरले पराजित भएको नेपालले दोस्रो खेलमा पेरूलाई ८०-३४ ले, तेस्रो खेलमा ब्राजिललाई १३४-८ अन्तरले र चौथो खेलमा भुटानलाई ९८-८ अन्तरले हराएको थियो।
क्वाटरफाइनलमा नेपालले बांङ्लादेशलाई ६७-१८ को अन्तरले हराउँदै नेपाल सेमिफाइनलमा पुग्दा फाइनल पुग्ने निर्णायक खेलमा इरानलाई ७२-२० ले पराजित गर्दै फाइनलमा भारतसँगको भेट पक्का गरेको थियो।
त्यस्तै समूह ‘सी’ मा रहेको नेपालले पहिलो खेलमा भुटानलाई ९३-२४ अंकले, दोस्रो खेलमा जर्मनीलाई ७३-३४ अंकले, तेस्रो खेलमा श्रीलंकलाई ११०-१० अंकले तथा चौथो खेलमा बाङ्लादेशलाई ८४-२४ अंकले पराजित गरेको थियो ।
