आज बिहान साढे ९ बजेदेखि ४ बजेसम्म ललितपुरका विभिन्न स्थानमा बिजुली कटौती हुने भएकाे छ । नेपाल विद्युत् प्राधिकरणले एक सूचना जारी गर्दै बिजुलीको खम्बा परिवर्तन गर्ने प्रयोजनका लागि बिजुली कटौती हुने बताएकाे हाे ।
प्राधिकरणका अनुसार ललितपुरकाे पुल्चोक वितरण केन्द्रको पुलचोक फिडरअन्तर्गत पर्ने इटी, महापाल, पाटन दरबार, बङ्गलामुखी, शखमूल, पाटनढोका, मंगलबजार, छवाल क्षेत्रमा बिजुली कटौती हुनेछ । बिजुली कटौतीका कारण ग्राहकवर्गमा पर्न गएको असुविधाप्रति प्राधिकरणले क्षमायाचना गरेको छ ।
त्यस्तै प्राधिकरणले जारी गरेकाे सूचनामा तोकिएको कार्य समय अगावै सम्पन्न भएको खण्डमा निर्धारित समयसीमाभन्दा पहिल्यै बिजुली आउने समेत उल्लेख गरेकाे छ ।
