नेपाल प्रिमियर लिग (एनपिएल) को फाइनलमा सुदुरपश्चिम रोयल्स र जनकपुर बोल्ट्स पुगेका छन् । बिहीवारकाे दोस्रो क्वालिफायर खेलमा कर्णाली याक्समाथि २ विकेटकाे जित निकाल्दै जनकपुर बोल्ट्स फाइनलमा प्रवेश गरेको थियाे भने बुधवारकाे खेलमा सुदूरपश्चिमले जनकपुरलाई पहिलो क्वालिफायरमा हराउँदै फाइनलमा स्थान बनाएकाे थियाे ।

नेपाल प्रिमियर लिग (एनपिएल) को पहिलो संस्करणको क्रिकेट प्रतियोगिताको उपाधि विजेता टोलीले १ करोड १० लाख पुरस्कार प्राप्त गर्ने छन् । त्यसैगरि प्रतियोगितामा दोस्रो स्थान हासिल गर्ने टोलीले ५१ लाख, तेस्रो स्थान हासिल गर्ने टोलीले २५ लाख प्राप्त गर्ने छन् ।

त्यस्तै एनपिएलकाे फाइनलमा चौथो स्थान हासिल गर्ने टोलीले १५ लाख पुरस्कार प्राप्त गर्नेछन् भने प्रतियोगितामा उत्कृष्ट घोषित हुने एक खेलाडीलाई एक थान कार प्रदान गर्ने क्यानले यसअघि नै घोषणा गरेको छ । मंसिर १५ गतेदेखि जारी खेलकाे फाइनल खेल पुष ६ गते शनिवार हुँदैछ ।