नेपाल प्रिमियर लिग (एनपीएल) अन्तर्गतकाे आजकाे खेलमा जनकपुर बोल्ट्स र कर्णाली याक्स भिड्दैछन् । एनपीएलको दोस्रो क्वालिफायरमा जनकपुर बोल्ट्स र कर्णाली याक्स प्रतिस्पर्धा गर्न लागेका हुन् ।
कीर्तिपुरस्थित त्रिवि क्रिकेट मैदानमा मध्यान्ह १२ बजे पहिलो क्वालिफायरमा सुदूरपश्चिम रोयल्ससँग ८ विकेटले पराजित भएपछि जनकपुरले दोस्रो क्वालिफायर खेल्न लागेको हो । त्यस्तै कर्णाली याक्सले भने एलिमिनेटर खेलमा चितवन राइनोजलाई २१ रनले पराजित गर्दै दोस्रो क्वालिफायरमा स्थान बनाएको थियाे ।
यसअघि कर्णाली तेस्रो र चितवन चौथो स्थानमा रहँदै प्लेअफमा पुगेका थिए भने समूह चरणमा जनकपुर बोल्ट्सले कर्णाली याक्सलाई ८ विकेटले हराएको थियो । गत मंसिर १५ गतेदेखी कीर्तिपुरको टियु क्रिकेट मैदानमा जारी एनपीएल उपाधि विजेताले १ करोड १० लाख तथा उपविजेताले ५१ लाख रुपैयाँ प्राप्त गर्नेछन् ।
त्यसैगरि तेस्रो स्थानमा रहने टोलीले २५ लाख र चौथो हुने टोलीले १५ लाख रुपैयाँ प्राप्त गर्नेछन् । आठ वटा टिमको सहभागिता रहेको प्रतियोगिताको फाइनल खेल शनिवार हुँदैछ ।
