मलेसियामा जारी एसीसी यु-१९ महिला एसिया कप क्रिकेटमा नेपालले आज भारतसँग खेल्दैछ । मलेसियाको क्वालालम्पुरस्थित बायुमास ओभलमा हुने खेलमा नेपालले भारतसँग प्रतिस्पर्धा गर्न लागेकाे हाे ।
हिँजाे भएकाे पहिलो खेलमा पाकिस्तानलाई पराजित गर्दै नेपाल एसिया कपको शीर्ष चारमा पुगिसकेको छ । हिँजाेकाे खेलमा पाकिस्तानले दिएको १०५ रनको लक्ष्य नेपालले १९ ओभरमा चार विकेटको क्षतिमा पूरा गरेको थियो ।
यसअघिकाे दुई खेलमा पराजित हुँदै पाकिस्तान समूह चरणबाट बाहिरिँदा भारतसँग खेल्नुअघि नै नेपाल शीर्ष चारमा पुगिसकेकाे छ । समूह बी मा श्रीलंका, बंगलादेश र मलेसिया छन् भने श्रीलंका दुई खेल खेलेर एक जितसहित शीर्ष स्थानमा रहेकाे छ ।
