मानव बेचबिखन तथा ओसारपसारको मुद्दामा संलग्न एकजना आरोपीलाई दुबईबाट पक्राउ गरिएको छ । अन्तर्राष्ट्रिय अपराध प्रहरी संगठन (इन्टरपोल) को समन्वयमा रुकुम पश्चिमको आठबिसकोट नगरपालिका-५ घर भएका निराजन नेपालीलाई दुबईबाट पक्राउ गरिएको हो ।
मानव बेचबिखन तथा ओसारपसार मुद्दाका दोषी नेपालीलाई प्रहरी दुबईबाट पक्राउ गरेर नेपाल ल्याएको छ । इन्टरपोलको नेसनल सेन्ट्रल ब्युरो (एनसीबी) युएईको समन्वयमा उनलाई पक्राउ गरेर मंगलबार नेपाल ल्याइएको प्रहरीले जनाएको छ ।
मानव बेचबिखनको मुद्दामा फरार रहेका नेपालीलाई अन्तर्राष्ट्रिय स्तरमा खोजतलास गर्न प्रहरी प्रधान कार्यालयको अनुरोधमा इन्टरपोल महासचिवालयबाट २०८१ साउन ७ गते रेड नोटिस जारी भएको थियो । पक्राउ परेका नेपालीमाथि प्रहरीको मानव बेचबिखन अनुसन्धान ब्युरोबाट खटिएको टोलीले अनुसन्धान सुरु गरेको बताइएको छ ।
