काठमाडाैँकाे कीर्तिपुर स्थित टीयू क्रिकेट मैदानमा मंसिर १५ गतेदेदेखि सुरू भएकाे नेपाल प्रिमियर लिग (एनपिएल) अन्तर्गतकाे आज दुई खेल हुँदैछ । आजकाे खेलमा चितवन राइनोज र लुम्बिनी लायन्सका साथै कर्णाली याक्स र पोखरा एभेन्जर्सबीच हुनेछ ।
आइतबारसम्म एनपिएलमा १५ खेल सम्पन्न भएकाे थियाे भने हिँजाे मंसिर २४ गते एक दिन विश्राम भएकाे थियाे । आजकाे पहिलाे खेलमा बिहान ९ बजे चितवन राइनोज र लुम्बिनी लायन्सबीच प्रतिस्पर्धा हुँदैछ ।
त्यसैगरि दिउँसो १ बजे दोस्रो खेल कर्णाली याक्स र पोखरा एभेन्जर्सबीच हुनेछ । यसअघि चार खेल खेलिसकेको चितवन तीन खेलकाे जितमा ६ अंक बनाउँदै तालिकाको तेस्रो स्थानमा छ भने चार खेल खेलिसकेको लुम्बिनी जितबिहीन अवस्थामा छ ।
त्यस्तै चार खेल खेल्दा दुई जित र दुई हार खाएको कर्णालीको चार अंक छ भने तीन खेलमा दुई खेल गुमाएको पोखराको दुई अंक मात्र छ । कर्णाली चार अंकसहित तालिकाको चौथो स्थानमा छ भने पोखरा पाँचौ स्थानमा रहेकाे छ ।
