काठमाडौँमा विभिन्न कार्यक्रमको अओजना गर्दै भ्रष्टाचारविरुद्धको अन्तर्राष्ट्रिय दिवस मनाइएको छ । काठमाडौँको माइतीघर मण्डलामा भ्रष्टाचारविरुद्धको अन्तर्राष्ट्रिय दिवस मनाइएको हो ।

काठमाडौँमा आयोजित भ्रष्टाचारविरुद्धको अन्तर्राष्ट्रिय दिवस कार्यक्रममा ट्रान्सपरेन्सी इन्टरनेशनल नेपालको संयोजक मदन कृष्ण शर्मा र नेपाल प्रहरी ट्राफिक प्रहरी जनपद प्रहरीहरूले प्लेकार्ड बोकेर प्रदर्शन गरेका थिए ।

कार्यक्रममा मिलेर फालौं भ्रष्टाचारको जालो, सुशासन प्रवर्द्धनमा गरौं हातेमालो, भ्रष्टाचार विरुद्ध सबै, सँगै र सधैँ, नगरौँ भ्रष्टाचारजन्य कर्म, बुझौं विकास र समृद्धिको मर्म, सुधारौं सोच, संस्कार र व्यवहार: नियन्त्रण हुन्छ भ्रष्टाचार, नैतिकता, इमान्दारिता र सदाचार: भ्रष्टाचारमुक्त समाजको बलियो आधार, भ्रष्टाचारको अन्त्य: सुशासन हाम्रो गन्तव्य, आज एउटा प्रण गरौं: भ्रष्टाचार गर्दै नगरौँ लगायत नारा लेखिएका प्लेकार्ड बोकेर प्रहरीले प्रदर्शन गरिएको थियो ।

भ्रष्टाचारविरुद्धको अन्तर्राष्ट्रिय दिवस हरेक वर्ष डिसेम्बर ९ मा मनाउने गरिएको छ ।