गढीमाई मेलामा पेस्तोल देखाउँदै झै–झगडा गर्ने एक युवक पकराउ परेका छन् । गढीमाई मेलास्थलबाट दुई थान पेस्तोल सहित एक युवकलाई प्रहरीले पक्राउ गरेको हो ।
दुई थान पेस्तोलसहित हिँजो साँझ बलरा नगरपालिका–६, मिर्जापुर निवासी इन्दल सहनीका अन्दाजी १८ वर्षीय छोरा गोलु भनिने अमरजितकुमार सहनीलाई प्रहरीले पक्राउ गरेको हो । प्रहरीले सहनीका साथबाट एक थान चाइनिज पेस्तोल र एक थान नलकटुवा पेस्तोल बरामद गरेको बताइएको छ ।
इलाका प्रहरी कार्यालय बलराबाट खटिएको प्रहरी वरिष्ठ नायब निरीक्षक दीपेन्द्र मल्लको टोलीले गढीमाई मेलास्थलमा हतियार देखाउँदै झगडा गरिरहेको अवस्थामा सहनीलाई पक्राउ गरेको थियो । उक्त गढीमाई पञ्चवर्षीय मेलामा दशनार्थीहरुको सहभागिता अत्यधिक रहेको छ ।
