नेपाल प्रिमियर लिग (एनपीएल) अन्तर्गत आज २ खेल हुने हुदैछ । कीर्तिपुरस्थित त्रिवि क्रिकेट मैदानमा पहिलाे खेल जनकपुर र लुम्बिनी बीच सुरू भएकाे छ भने दाेश्राे खेल सुदूरपश्चिम रोयल्स र चितवन राइनोज बीच हुनेछ ।
पहिलो खेल जनकपुर बोल्ट्स र लुम्बिनी लायन्सबीच ९ बजेदेखि कीर्तिपुरस्थित त्रिवि क्रिकेट मैदानमा सुरू भएकाे छ । यसअघि लगातार तीन जित निकालेको जनकपुर र तीन हार बेहाेरेकाे लुम्बिनी बीच प्रतिस्पर्धा हुन लागेका हाे ।
अनिल शाहको कप्तानीमा जनकपुर बोल्ट्स छ भने लुम्बिनी लायन्समा राष्ट्रिय टिमका कप्तानसमेत रहेका रोहित पौडेलको नेतृत्त्वमा दुवै टिम मैदानमा प्रतिस्पर्धामा उत्रिएका छन् । दोस्रो खेलमा सुदूरपश्चिम रोयल्स र चितवन राइनोज बीच दिउँसो १ बजे सुरु हुनेछ ।
आजकाे दोस्रो खेलमा अपराजित सुदूरपश्चिम ६ अंकसहित शीर्ष स्थानमा छ भने एक खेल गुमाएको चितवन चार अंकसहित तेस्रो स्थानमा रहेकाे छ ।
