छिमेकी मुलुक चीनको चारदिने औपचारिक भ्रमण सम्पन्न गरी प्रधानमन्त्री केपी शर्मा ओली बिहीबार स्वदेश फर्किएका छन् । प्रधानमन्त्री ओलीलाई चीनका उपपरराष्ट्रमन्त्री सुन बेइदोङले बेइजिङ क्यापिटल अन्तर्राष्ट्रिय विमानस्थलमा स्थानीय समय अनुसार बिहान ११ बजे बिदाइ गरेका हुन् ।
आज बिहान चीनबाट स्वदेश फर्किएका प्रधानमन्त्री ओली नेपाली समय अनुसार दिउँसो २ : ३० बजे काठमाडौं पुग्ने कार्यक्रम रहेको छ । प्रधानमन्त्री ओली हिमालय एअरलाइन्सको विशेष विमान मार्फत काठमाडौं आइपुग्ने भ्रमण तालिका रहेको छ ।
प्रधानमन्त्रीले विमानस्थलको अति विशिष्ट कक्षमा पत्रकार सम्मेलन गर्ने कार्यक्रम रहेको र त्यसका लागि सूचना तथा प्रसारण विभागले सञ्चारकर्मीहरुलाई प्रेस प्रतिनिधि प्रमाणपत्रसहित १ बजे उक्त कक्षमा पुग्नु आग्रह गरेको छ ।
