स्नातक तह चौथो वर्षमा दुई विषय अनुत्तीर्ण भएका विद्यार्थीहरूलाई त्रिभुवन विश्वविद्यालयले मौका परीक्षा दिन आवेदन माग गरेको छ । त्रिविले पहिलो दोस्रो तेस्रो वर्ष सबै विषय पास भएको तर नियमित चौथो वर्षमा २ विषयसम्म अनुत्तीर्ण भएका विद्यार्थीहरूको लागि मौका परीक्षा दिन आवेदन माग गरेको हो ।
त्रिविको परीक्षा नियन्त्रण कार्यालय,बल्खुले एक सूचना जारी गर्दै स्नातक तहको चौथो वर्षमा २ विषयसम्म अनुत्तीर्ण भएका विद्यार्थीहरूका लागि मौका परीक्षा दिने व्यबस्था गरेको हो । स्नातक तह चौथो वर्षको नतिजामा दुई वटा विषयमा अनुत्तीर्ण विद्यार्थीहरूले पूरक परीक्षाको लागि मंसिर २६ गतेसम्म परीक्षा फारम भर्न सक्ने सुचनामा उल्लेख गरिएको छ ।
