मंसिर १५ गतेदेखि सुरु भएर पुस ६ गतेसम्म हुने नेपाल प्रिमियर लिग (एनपीएल) अन्तर्गत आज दुई खेल हुँदैछ । कीर्तिपुरस्थित त्रिवि क्रिकेट मैदानमा सुदूरपश्चिम रोयल्स र विराटनगर किंग्स बीच पहिलाे खेल हुनेछ भने चितवन राइनोज र पोखरा एभेन्जर्सबीच दाेश्राे खेल हुनेछ ।
नेपाल प्रिमियर लिग (एनपीएल)काे आजकाे खेलमा सुदूरपश्चिको पहिलो खेल हो भने विराटनगरको दोस्रो खेल हो । विराटनगर यसअघि पहिलो खेलमा जनकपुर बोल्ट्ससँग आठ विकेटले पराजित भएको थियो ।
उक्त दुई टिमबीचको खेल बिहान ९ : १५ बजेदेखि सुरु भएकाे छ भने खेलमा विराटनगर सन्दीप लामिछाने र सुदूरपश्चिम दीपेन्द्रसिंह ऐरीले कप्तानी गरेकाे छन् । सन्दिप र ऐरी दुवै खेलाडी राष्ट्रिय क्रिकेट टिमका नियमित सदस्य समेत हुन् ।
आजको दोस्रो खेल चितवन राइनोजकाे दोस्रो खेल हो भने चितवन राइनोजले पहिलो खेलमा काठमाडौं गुर्खाजलाइ पाँच विकेटले पराजित गरेकाे थियाे । यता पोखरा एभेन्जर्सकाे भने आजकाे खेल प्रतियोगिताको पहिलो खेल हाे ।
दाेश्राे खेल त्रिवि क्रिकेट मैदानमै दिउँसो १ : १५ बजेदेखि सुरु हुनेछ । दाेश्राे खेलमा चितवन कुशल मल्ल र पोखरा कुशल भुर्तेलको कप्तानीमा मैदान उत्रिने छन् भने यी दुई कप्तान पनि राष्ट्रिय टिमका नियमित सदस्य हुन् । प्रतियोगितामा कुल ८ टिमको सहभागिता छ भने २१ दिनसम्म चल्नेसम्म चल्ने बताइएकाे छ ।
