नेपाल विद्युत प्राधिकरणको केन्द्रीय वर्कशपमा आगलागी भएको छ । मकवानपुर जिल्लाको हेटौंडामा रहेको प्राधिकरणको केन्द्रीय वर्कशपमा आगलागी भएको हो ।

हेटौंडा उपमहानगरपालिका-५, भैरवरोडमा पुरानो सामान राखेको वर्कशपमा गएराति अचानक आगलागी भएको बताइएको छ । आगलागी नियन्त्रणका लागि नेपाल प्रहरी, हेटौंडा उपमहानगरपालिकाको नगर प्रहरी, विद्युत प्राधिकरणका कर्मचारी र दुई दमकलको प्रयोग गरिएको थियो ।

आगो एक घण्टामा नियन्त्रणमा आएको जिल्ला प्रहरी कार्यालय मकवानपुरका डिएसपी श्यामु अर्यालले जानकारी दिएका छन् । आगलागीबाट भएको क्षतिको विवरण आउन बाँकी रहेको पनि प्रहरीले जनाएको छ ।