परराष्ट्रमन्त्री डा.आरजु राणा देउवा चीन जाने भएकी छन् । मंसीर १७ गतेदेखि प्रधानमन्त्री केपी शर्मा ओलीको चीन भ्रमणको तयारीस्वरूप आज मन्त्री राणा चीन जाने भएकी हुन् ।
हमंसिर १४ गते शुक्रबार परराष्ट्रमन्त्री डा.राणाले चिनियाँ विदेशमन्त्री वाङ यीसँग छेङ्दुमा भेटवार्ता गर्ने कार्यक्रम तय भएको बताइएकाे छ । परराष्ट्र मन्त्रालयका अनुसार छेङ्दुमा आयोजना हुने विशेष कार्यक्रममा वाङ यीको सहभागिता रहने र सोही अवसरमा दुई विदेशमन्त्रीबीचकाे भेटघाटमा महत्वपूर्ण छलफल हुने जनाइएको छ ।
परराष्ट्रमन्त्री डा.राणाको यस भ्रमणले प्रधानमन्त्रीको भ्रमणलाई थप प्रभावकारी बनाउन सहयोग पुर्याउने अपेक्षा गरिएको र प्रधानमन्त्री ओलीको चीन भ्रमणका क्रममा दुई देशबीच आपसी हितका विभिन्न विषयमा छलफल हुने बताइएकाे छ ।
मंसिर १७ गते प्रधानमन्त्री ओली ४० सदस्यीय प्रतिनिधिमण्डलको नेतृत्व गर्दै चीन भ्रमणमा जाने कार्यक्रम रहेकाे र उक्त भ्रमणमा परराष्ट्रमन्त्री राणाले समेत सहभागिता जनाउने कार्यक्रम रहेकाे छ ।
