सरकारले भन्सारदर घटाएसंगै एकैपटक तोलामा झन्डै १६ हजार रुपैयाँले घटेको सुनको मूल्यमा आजपनि गिरावट आएको छ । आज नेपाली बजारमा सुनको मूल्य तोलामा २ हजार ६ सय रुपैयाँले घटेको हो ।

नेपाली बजारमा आज सुनको मूल्य प्रतितोला १ लाख ४८ हजार ७ सय रुपैयाँमा कारोबार भईरहेको छ । हिँजो सोमबार छापावाला सुन प्रतितोला १ लाख ५१ हजार ३ सय रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार सुनको मूल्यसंगै चाँदीको मुल्य पनि घटेको छ । आज चाँदी प्रतितोला २५ रुपैयाँले घटेर प्रतितोला १ हजार ८ सय २० रुपैयाँमा कारोबार भइरहेको महासंघले जनाएको छ । हिँजो चाँदी १ हजार ८ सय ४५ रुपैयाँमा कारोबार भएको थियो ।