आज काठमाडौँको लाजिम्पाट, पानीपोखरी, बालुवाटार क्षेत्रमा बिजुली काटिने भएकाे छ । नेपाल विद्युत् प्राधिकरणले केवल लाइन विस्तारका लागि उक्त क्षेत्रमा बिजुली काटिने जनाएकाे हाे ।
प्राधिकरणले एक सूचना प्रकाशित गर्दै केवल लाइन विस्तारका लागि बिहान ११ बजेदेखि दिउँसो ३ बजेसम्म बिजुली कटौती हुने जनाएको छ । प्राधिकरणकाे सूचनाअनुसार महाराजगञ्ज वितरण केन्द्रको लाजिम्पाट फिडरअन्तगर्तका क्षेत्रमा बिजुली कटौती हुनेछ ।
प्राधिकरणले तोकिएको कार्य निर्धारित समय अगावै सम्पन्न भएमा सो समयभन्दा अगावै विद्युत् आपूर्ति नियमित सञ्चालनमा आउनसक्ने बताउँदै उक्त क्षेत्रका ग्राहकवर्गमा पर्न जाने असुविधाप्रति क्षमा माग्दै सेवा अवरुद्ध हुने जनाएको हो ।
