राहदानी विभागले राहदानी सेवा पूर्णरुपमा सञ्चालन ल्याउन दुई साता लाग्ने बताएको छ । विभागले एक सूचना जारी गर्दै सेवा पूर्णरुपमा सञ्चालनमा ल्याउन दुई साता लाग्ने बताएको हो ।
विभागले राहदानी आवेदन प्रणालीसँग सम्बन्धित केही ककप्युटरमा भाइरस प्रवेश गरेको निष्कर्ष निकाल्दै विभागले त्यसलाई फैलिन नदिन सेवा बन्द गर्नुपरेको स्पष्टीकरण दिएको छ । तर, विभागबाट आंशिक रुपमा भने सेवा प्रारम्भ गरिएको जनाएको छ ।
विभागको ककप्युटरमा भाइरस देखा परेपछि सुरक्षा संवेदनशीलतालाई ध्यानमा राखी पर्याप्त सतर्कता अपनाइएको र सेवाग्राहीको डाटा सुरक्षित रहेको विभागको भनाइ छ । विभागका अनुसा एक-दुई दिनभित्रमा नयाँ आवेदन फाराम भर्नका लागि बुकिङ्ग खुला गरिने बताइएको छ ।
अहिले राहदानी सेवा बन्द हुँदा सेवाग्राही मर्कामा परेका छन् भने आइतबार सेवा बन्द भएपछि विभागमा सेवाग्राहीले नाराबाजी समेत गरेका थिए ।
