सरकारले सुनको भन्सार दर घटाउने निर्णयसंगै नेपाली बजारमा सुनको भाउ ह्वात्तै घटेको छ । सुनको भन्सार दर २० बाट १० प्रतिशत कायम गर्ने निर्णय भएसंगै बजारमा आज प्रतितोला सुनमा १५ हजार ९ सय रुपैयाँले घटेको हो ।
नेपाली बजारमा आज प्रतितोला सुनको मूल्य १ लाख ५१ हजार ३ सय रुपैयाँ कायम गरिएको छ । बाजारमा हिँजो आइतबार प्रतितोला सुन १ लाख ६७ हजार २ सय रुपैयाँमा कारोबार भएको थियो ।
सुनको भाउ घटेसँगै चाँदी पनि घटेको नेपाल सुन चाँदी व्यवसायी महासंघले जनाएको छ । आज चाँदी प्रतितोला १८ सय ४५ रुपैयाँमा कारोबार भइरहेको बताइएको छ । अघिल्लो दिन प्रतितोला चाँदी १९ सय ६० रुपैयाँमा कारोबार भएको थियो ।
यसअघि गत बिहीबार बसेको मन्त्रिपरिषद् बैठकले सुनको भन्सार दर २० बाट १० प्रतिशत कायम गर्ने निर्णय गरेको थियो ।
