नेपालको ५ दिने औपचारिक भ्रमणमा आएका भारतिय स्थल सेनाध्यक्ष जनरल उपेन्द्र द्विवेदी आज स्वदेश फर्किएका छन । सेनाध्यक्ष द्विवेदी बिहान पौने १० बजे स्वदेश फर्किएका हुन् ।
मंसीर ५ गते बुधबार काठमाडौं आइपुगेका द्विवेदीले सोही दिन पशुपतिनाथको दर्शन गरेका थिए । भाेलि पल्ट मंसीर ६ गते बिहीबार हनुमान ढोका दरबार क्षेत्रको अवलोकन गरेका सेनाध्यक्ष द्विवेदीलाइ नेपाली सेनाको मानार्थ महारथीको दर्ज्यानी चिन्हबाट सम्मान गरिएकाे थियाे भने साेहि दिन प्रधानसेनापति अशोकराज सिग्देलसँग भेटवार्ता गरेका थिए ।
मंसीर ७ गते शुक्रबार प्रधानमन्त्री केपी शर्मा ओली र रक्षामन्त्री मानवीर राईसँग औपचारिक भेटवार्ता गरेका द्विवेदी शनिबार मुस्ताङ जिल्लास्थित मुक्तिनाथ मन्दिरको दर्शन गरेर पोखरास्थित श्री पश्चिम पृतना मुख्यालयको भ्रमण गरेका थिए । उनि नेपालकाे ५ दिने औपचारिक भ्रमण सकेर आज स्वदेश फर्किएका हुन् ।
