राष्ट्रपति रामचन्द्र पौडेलले विभिन्न ६ देशका लागि नेपाली राजदूत नियुक्त गर्नुभएको छ । मन्त्रिपरिषद्को सिफारिसमा उहाँले जर्मनी, रुस, संयुक्त अधिराज्य, साउदी अरेबिया, थाईल्याण्ड, क्याम्बोडिया र सिंगापुरका लागि राजदूत नियुक्त गर्नुभएको हो ।
राष्ट्रपति पौडेलले जर्मनीका लागि नेपाली राजदूतमा डा.शैल रुपाखेती, रुसका लागि जंगबहादुर चौहान, संयुक्त अधिराज्यका लागि चन्द्रकुमार घिमिरेलाई नियुक्त गर्नुभएको छ ।
त्यस्तै, साउदी अरेबियाका लागि डा.नरेशविक्रम ढकाल, थाईल्याण्ड र सिंगापुरका लागि धनबहादुर वलीलाई नेपाली राजदूतमा नियुक्त गरिएको राष्ट्रपति कार्यालयले जनाएको छ ।
