आकर्षक तलबमा वैदेशिक रोजगारीमा पठाउने प्रलोभन देखाएर ठगी गर्ने ३ जनालाई प्रहरीले पक्राउ गरेको छ । प्रहरीले सोलुखुम्बु नेचासल्यान गाउँपालिका–३ को २२ वर्षीया प्रितिका बाँस्तोला,भरतपुर महानगरपालिका–१० को ३६ वर्षीया शारदा सुवेदी र सोहि महानगरपालिका–४ त्रिचोकको २५ वर्षीय सुरज कँडेललाई पक्राउ गरेको हो ।
प्रहरीले पक्राउ गरेको मध्ये प्रितिकाले दुबई पठाइदिन्छु भन्दै १ जना पीडितबाट २ लाख रूपैयाँ, शारदाले युके पठाइदिन्छु भन्दै १ जना पीडितबाट १ लाख रूपैयाँ र सुरजले युके पठाइदिन्छु भन्दै १ जना पीडितबाट १ लाख रूपैयाँ ठगी गरेको बताइएको छ ।
पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई पक्राउ गरेको हो ।
